Охрид и Битола веќе ги објавија музичките ѕвезди со кои ќе се прослави дочекот на Новата 2025 година.
На 31-ви декември на Градскиот плоштад „Свети Климент Охридски“, охриѓани и туристите ќе може да уживаат во настапот на поп дивата Каролина Гочева, македонската фолк ѕвезда Наум Петрески, миленикот на младата публика Пајак, охридската група Take 5, DJ Gec и DJ Face.
„Новогодишната приказна“ во Охрид започнува од утре, 24 декември, а ќе има забава за сите генерациии.
И Битола ќе има органзиран дочек на Новата година.
Точно на последниот ден од старата година, вечерта во пресрет на новата календарска година, на платото пред Офицерски дом во свечената програма „Ноќ на нови почетоци“ на 31 декември, со почеток во 22 часот ќе настапат Андрија Јаневска, Зуица Лазова, Сузана Спасевска, Димитар Андоновски, дувачкиот орлестар “Блезери“ и групата “Фонтана“ од Битола.
Засега, нема информации дали ќе има организирана прослава во главнито град, на плоштадот „Македонија“.
