Кошаркарите на Пелистер во 2. коло стигнаа до голема победа на домашен терен славејќи против КК Чаир со убедливи 104:74.
Гостите од Скопје успеаја да парираат во првото полувреме, но затоа во вториот дел можеше да се проследи доминација на „зелено-белите“ кои го добија овој дел од мечот со 57-26 и на крајот славеа со „плус 30“.
Натпреварот во салата “Боро Чурлевски” почна со поени на повратникот Никола Малешевиќ, гостите за момент ја презедоја контролата над резултатот, но „зелено-белите“ брзо се вратија и преку Дејвис поведоа со 15-10.
Стојановски и Дејвис одговорија со нови поени за битолчани, пред Чаир да реализира пред крајот на четвртината и овој период да заврши со 25-20.
Битолчани во вториот период во неколку наврати имаа предност, но полувремето мина во знакот на гостите од Чаир кои дури и на одмор заминаа со 47:48.
КК Пелистер во вториот дел ја презеде иницијативата и по резултат 49:50 следеше период од речиси шест минути без примени поени за домашните во кој период направија серија од 13-0 и успеаја резултатски да се одлепат.
Третата четвртина заврши со убедливи 77:63 за „пелистерци“, кои продолжија со одлична одбрана и во последните 10 минути во кои гостите постигнаа само 13 поени (27:13) трасирајќи си го патот до убедливата победа.
Малешевиќ беше прв стрелец во победничката екипа со 23. поени, а имаше и 8 скока и 6 асистенции. Митревски заврши со 15.поени, Л. Вилсон дојде до 13, Си-Џеј Вилсон и Крстевски додадоа по 12, а Дејвис имаше 11,.
Во гостинската, Билингсли застана на бројката од 27.поени ,Четмен финишираше со 12, а Бетсон и Рушити имаа по 11
Следен предизвик за КК Пелистер е гостувањето во Загреб против Цедевита јуниор на 15 октомври, во првото коло од ФИБА Европа купот.
Фото & Видео: КК Пелистер/КФМ
