Кошаркарскиот Клуб Пелистер ја отвори новата сезона со победа од 40 разлика над скопскиот ривал додека македонскиот ракометен шампион Е. Пелистер беше подобар во дербито од 6.коло на Супер лигата, против гостите од Охрид со 33-27.
Кошаркарите на Пелистер триумфално ја отворија новата сезона откако попладнево рутински славеа на гостувањето против Работнички со убедливи 75-115. Домашниот тим настапи значително подмладен, без ниту едно странско засилување во тимот, а „пелистерци“ го искористија тоа за без многу мака да стигнат до посакуваниот резултат.
Дуелот беше израмнет до 6-6, по што Пелистер презеде контрола над резултатот, битолчани пред крајот на првата четвртина стигнаа до првото двоцифрено водство со поените на Дејвис (13-24), по што тројка погоди и Крстевски за овој дел од мечот да заврши со убедливи 13-27 за „зелено-белите“.
Работнички за момент влезе во ритам и ја спушти разликата под десет поени, но Пелистер се врати во ритам и со поените на Малешевиќ и на Митревски на одмор се замина со предност на битолчанни од 40-52.
Третиот период мина во извонредно офанзивно издание на „зелено-белите“. Пелистер погоди дури осум тројки во овој дел од мечот, добивајќи ја четвртината со 16-37 и влегувајќи во последните десет минути со убедливи . Преостанатиот период беше рутина за „пелистерци“ кои ја одржаа убедливата предност, на крајот славејќи со конечни 75-115.
Седум кошаркари на Пелистер имаа двоцифрен ефект, најефикасни беа Малешевиќ со 22 поени, центарот Ленгстон Вилсон со 18 поени, Митревски и Си-Џеј Вилсон со по 15 поени.
Македонскиот ракометен шампион Е.Пелистер победи во дербито од 6.коло на Супер лигата против ГРК Охрид со 33-27.
Зелено-белите одржуваа предност низ цело прво полувремето за на паузата да гласи (18-14).
Во вториот дел домашните постепено ја зголемуваа разликата, веќе во 40 минута разликата беше +8 (24-16). ГРК Охрид без повредениот Јотиќ неможеше да се надева на изненадување во Битола против шампионот Е.Пелистер кој ја запиша четвртата победа.
