Иако многумина сметаат дека сирењето е здрава млечна храна, други тврдат дека не е така, поради високата содржина на заситени масти и сол. Но, бидејќи има повеќе од 1.500 видови сирење, јасно е дека хранливата содржина може значително да варира.
Сирењето е генерално здраво бидејќи е млечна храна богата со хранливи материи. Во сирењето има висококвалитетни протеини, калциум, калиум, магнезиум и витамин Б. Некои видови содржат корисни пробиотици кои се добри за варењето и општото здравје. Сепак, умереноста е клучна и кај сирењата, особено кај полномасните поради многу заситени масти.
Колку сирење треба да јадете дневно?
Иако не постојат строги правила за јадење сирење, порција на ден е добро правило. Таа порција е обично ¼ чаша рендано сирење, 30 гр тврдо сирење или ½ чаша урда.
Моцарела
Речиси половина од тежината на моцарелата е вода, па затоа е најдобрата опција кога се во прашање сирењата. Толку вода значи дека моцарелата е пониска со калории, заситени масти и натриум во споредба со многу други поцврсти сирења. Можете да го јадете во вашите омилени италијански специјалитети или едноставно да го комбинирате со свеж леб, чери домати и рукета.
Мало сирење со малку маснотии
Младото ситно сирење е меѓу оние видови со најмногу протеини и најмалку масти, што го прави популарна диетална храна. Покрај тоа што е богато со калциум, младото сирење содржи леуцин, есенцијална аминокиселина за мускулната маса. Можете да го ставите во смути, солени палачинки или едноставно да го додадете во салата.
Швајцарско сирење
Богато со протеини, познатото швајцарско сирење е едно од најздравите бидејќи содржи повеќе витамин Б12 од другите видови. Воедно, тоа е едно од ретките сирења со витамин А, кој е важна хранлива материја за имунолошкиот систем и очите. Интересно е што дупките во швајцарското сирење се формираат од јаглерод диоксид за време на процесот на стареење и, колку се поголеми дупките во сирењето, толку е посилен вкусот.
Чедар
Цврстиот чедар има помалку лактоза и полесно се вари. Покрај тоа, зрелиот чедар е богат со витамин К2, есенцијален витамин за густината на коските. Содржи и корисни пробиотици. Можете да изрендате чедар во салати, да го додадете во крем супи или чорби, а можете да го јадете класично сецкан со зеленчук, маслинки, интегрален леб.
