Послужете го овој превкусен колач откако добро ќе го оладите во фрижидер
Состојки:
200 г брашно за колачи + 1 лажиче
1 лажиче прашок за печиво
1/2 лажиче сол
110 г путер
40 г масло
200 г шеќер
2 јајца
90 г обичен јогурт
60 мл млеко
20 г лимонов сок
1 лажиче рендана кора од лимон
1 лажиче екстракт од ванила
200 г боровинки
За глазурата од крем-сирење:
150 г путер
225 г крем-сирење
500 г шеќер во прав
1 лажиче екстракт од ванила
1 лажица лимонов сок
Приготвување:
Прво, во чинија сипете јогурт и млеко. Потоа, додајте лимонов сок, добро измешајте и тргнете ја смесата на страна. Во друга чинија, ставете путер, додајте масло и матете со миксер додека добиете мазна смеса. Во истата смеса додајте шеќер и матете додека стане пенеста. Во мала чинија скршете две јајца, додајте екстракт од ванила, промешајте и постепено додавајте ја оваа смеса во смесата со путер, со непрекинато матење со миксер.
Во оваа смеса просејте брашно, прашок за печиво и сол. Добро промешајте, па додајте ја смесата со млеко и повторно промешајте. Потоа, извадете ги боровинките и посипете ги со лажица брашно. Промешајте, па додајте ги во смесата со тестото. Префрлете ја смесата во три тркалезни калапи за торта. Израмнете ја површината и печете во претходно загреана рерна на 170 степени околу половина час.
Извадете ја на решетка и оставете ја да се олади. Потоа, ставете путер во чинија и изматете со миксер. Додајте 225 г крем-сирење и продолжете да матите со миксер. Сипете едно лажиче екстракт од ванила и повторно изматете со миксер. Додајте шеќер во прав така што ќе го просеете, па продолжете да матите.
Сипете лажица лимонов сок и изматете. Потоа, префрлете ја смесата во слаткарска вреќа, намачкајте го пандишпанот со првиот слој, премачкајте го со глазура, ставете го вториот пандишпан одозгора и продолжете така со редење. На крај, премачкајте ја целата торта со глазура и ставете ја во фрижидер еден час. Потоа, послужете ја и уживајте.
Добар апетит!
