Мек, сочен и миризлив домашен колач во кој совршено се спојуваат зрелите сливи, морковот, оревите и циметот. Џем од сливи му дава дополнителна сочност и овошна арома.
Состојки:
- 4 јајца
- 300 г шеќер
- 1 кесичка ванилин шеќер
- 100 мл масло
- 100 мл млеко
- 400 г брашно
- 1 кесичка прашок за печиво
- 1 лажичка цимет
- 1 рака сечкани ореви
- 2 лажици арома од рум
- 350 г рендан морков
- 3 лажици џем од сливи
- шеќер во прав за наросување
Подготовка: Јајцата изматете ги со шеќерот и ванилиниот шеќер додека смесата стане светла и пенлива. Постепено додавајте ги маслото и млекото, а потоа брашното измешано со прашокот за печиво. Додајте ги циметот, румот и сечканите ореви. На крај ставете го џемот и ренданиот морков и нежно измешајте со лажица додека смесата се изедначи. Смесата истурете ја во намрсен плех со големина околу 40 × 30 см и рамномерно распоредете ја.
Сливите измијте ги, извадете им ги семките и исечете ги на половина. Посипете ги со 2 лажици шеќер, па распоредете ги рамномерно врз тестото. Печете во претходно загреана рерна на 180 °C околу 40 минути, или додека колачот убаво порумени и се испече во средината.
Оставете го колачот целосно да се излади, наросете го со шечер во прав и послужете.
Фото: Magnific
