Само два дена пред гостувањето на битолчани во Германија во Лигата на шампионите, домашниот тим екипата на Магдебург сеуште продава билети за натпреварот.
Цените на билетите се доста поволни според стандардите во Германија. Најевтината верзија е билет зад головите во Арената Гетек треба да освоите 19 евра но тоа е сепак стоечката верзија додека на спротивниот гол има и нешто слична верзија со седиште за само 24,76 евра. Поскапите верзии на билети се достапни по цена од 53 и 51 евра.
Овие цени се ретки и незамисливи за Германија односно за меч на кој ќе го гледате европскиот шампион во ракомет против било кој и да игра истиот тим.
Дуелот меѓу Магдебург и Пелистер од 6. коло во „Гетек Арената“ во Магдебург ќе го проследат нешто помалку од 6.000 љубители на ракометот во најракометната земја во светот и според нашите информации ќе бидат присутни и неколку групи на македонци во Магдебург кои ќе бидат сместени на горниот кат во Блокот З кои се предвидени како седишта за гостински навивачи.
Блокот Ф е првенствено резервиран за членови на навивачките клубови на СК Магдебург, додека децата до 5 години ќе можат заедно со родителите бесплатно да присуствуваат на мечот.
Екипата на европскиот шампион Магдебург ќе го пречека македонскиот шампион задутре четврток (23.10.2025) со почеток од 20:45 часот во Гетек Арената како непоразен со 10 бодови додека Пелистер има само 2 од победата над Загреб во Битола на премиерата од Лигата на Шампионите во Битола.
