Колони возила се движат полека на граничниот премин Прешево, за влез во Македонија на преминот Табановце, покажуваат камерите од српска страна. И камерите од македонска страна на преминот Богородиза потврдуваат дека се долги колоните на возила чија дестинација е Грција.
Од АМСМ рано утрово информираа дека на Табановце за излез и за влез во државава има зголемена фреквенција на возила. Нема информација за тоа колку време се чека на Табановце и Богородица. На останатите гранични премини нема подолги задржувања, велат од АМСМ.
Според Автомото сојузот на Македонија, сообраќајот на државните патишта се одвива непречено, по суви коловози, со зголемен интензитетот на сообраќај на патните правци надвор од градските средини.
