Со такси возило пристигнала и растоварила градежен шут на местото викано „Тепсија” во Битола, само два дена откако јавното претпријатие „Комуналец” – Битола го исчисти ридот од диви депонии.
Од Комуналната инспекција на општина Битола, за Апла.мк потврдија дека жената била пронајдена и казнета со глоба во висина од 150 евра во денарска противвредност.
„Реагиравме по допрен глас, го најдовме сторителот и изрековме казна според Законот за јавна чистота, член 33 а. За сторен прекршок по член 14а став 1 алинеја 1 од ЗЈЧ, соопштија од Комуналната инспекција на Општина Битола. Жената повикала такси компанија и отпадот го однела до ридот. Но, случајни минувачи, совесни граѓани ја фотографираа како ги остава вреќите на локација која само пред два дена беше исчистена од диви депонии од страна на ЈП Комуналец – Битола”, велат од Комуналната инспекција на општина Битола.
Претходно, минатата недела Комуналната инспекција на општина Битола казни жена што расфрлала отпад пред контејнерите кај Новиот пазар во Битола.
Извор: Апла.мк
