Љубителите на класичната музика на 24 август 2026 година ќе имаат можност да уживаат во вечер исполнета со најпознатите оперски дуети на големите италијански композитори Џакомо Пучини, Џузепе Верди и Руџеро Леонкавало.
Концертот „Grandi Duetti Soprano – Tenore“ ќе се одржи во Офицерскиот дом во Битола, со почеток во 20:00 часот, во рамките на програмата на „БИТ ФЕСТ 2026“.
Пред битолската публика ќе настапат сопранот Марија Наумовска и тенорот Нико Ѓоргиевски, додека музички соработник на концертот е Андреја Наунов.
Публиката ќе има можност да слушне избрани сцени и дуети од најпознатите оперски дела, меѓу кои: „Cavalleria Rusticana“ – „Tu qui, Santuzza?“, „Tosca“ – „Mario! Mario! Mario!“, „Il Tabarro“ – „O Luigi, Luigi!“, финалето од „Pagliacci“, познатиот „Brindisi – Libiamo“ од операта „La Traviata“ и светски познатата композиција „Con te partirò (Time to Say Goodbye)“.
Концертната програма е внимателно осмислена да понуди вечер исполнета со емоции, драматика и врвни вокални интерпретации, претставувајќи дел од најубавите страници на италијанската оперска литература.
Организатор на настанот е Културно-информативниот центар – Битола, во рамките на програмата на „БИТ ФЕСТ 2026“, со поддршка од Општина Битола. Настанот е отворен за сите љубители на класичната музика и претставува уште една можност публиката да ужива во богатата културна понуда што ова лето ја нуди Битола.
