Две различни четвртини во првото полувреме. Првата им припадна на гостите, кои ја решија во своја корист со (17:12). втората беше за кошаркарите на ТФТ, кои не само што го анулира почетната негатива, туку до полувремето се стекнаа и со водство, макар не така високо (33:29).
Во исто темпо продолжија „бело—црните“ во продолжението на дербито на 18. коло и на вториот дел од сезоната.
Во третата четвртина, во неколку наврати, избраниците на тренерот Боро Смилковски имаа и двоцифрена предност.
Во 28.минута имаа и (50:40). Но во тие 120 секунди, „сино-белите“, успеаја да симнат дел од таа негатива, да намалат на (46:52).
Тоа беше своевидна најава за „враќање“ на екипата коај ја брани титулата.
По тројката на Петков, на неполни пет минути од играта во последниот период, како дербито да почна, се тргна одново, затоа што на семафорот имаше егал резултат (57:57), односно серија од (11-5) за МЗТ Скопје Аеродром.
Не помогна ниту тајм-аутот на Смилковски, затоа што следуваше тројката на Д. Стојановски, а потоа и поентирањето на Андоноски кои го донесоа тимот од Аеродром на повисоки (62:57). Серијата на „гостите“ продолжи и до (67:57), односно, парцијално мерено (21-5), во само шест и пол минути игра.
Но ТФТ успеа да се соземе, и да се врати во игра. Со контра-серија од (10-2), на 01:06 минта до крајот, домаќините намалија на (67:69).
По тајм-аутот на тренерот Атанасов, и неуспешниот напад на аеродромци, Ташовски донесе ново изедначување (69:69). Па Атанасов повика уште една минута за одмор и совети, на точно половина минута до крајот на дерби дуелот одигран во спортскиот комплекс „НБ Ноел“ во Негорски бањи.
Во нив, прво беше непрецизен Д.Стојановски. Потоа Гордон направи грешка во чекори, а Ташовски направи лична грешка над Смит Мексвејн, за која беа доделени две слободни фрлања.
Тој го погоди првото, но не и второто, ама доволно за победа на МЗТ Скопје Аеродром,
Гил постигна 16.поени (четири скока и две асистенции), Смит-Мексвејн додаде 13.поени (четири асистенции и три скока),
Кај ТФТ. Дејвис реализираше 21.поен (плус десет скока и пет асистенции), Говенс имаше 15. поени (и по три скока и додавања), Гордон 14 ( и седум сока), а Ташовски уште 10.поени.
По 18.одиграни натпревари, МЗТ Скопје Аеродром има ефект (17-1), додека за ТФТ ова беше вториот пораз во сезоната, и тоа од истиот противник. Двете екипи имаат по 34.бода, но шампионот е подобар во меѓусебните дуели, затоа што ги доби двата.
„МТЕЛ“ СУПЕР ЛИГА-МАЖИ
РЕЗУЛТАТИ 18.КОЛО
ТФТ – МЗТ Скопје Аеродром 69:70
Тиквеш Голден Игл – Ангели 114:90
Гостивар – Чаир 2030 76:81
Кожув – Феникс 2010 113:98
Работнички – Маџари 97:74
Пелистер – МКК Куманово 92:62
ТАБЕЛА
1. МЗТ Скопје А. 18 17 1 1402:1192 34
2. ТФТ 18 17 2 1548:1329 34
3. Пелистер 18 13 5 1661:1443 31
4. МКК Куманово 18 9 9 1465:1422 27
5. Маџари 18 9 9 1499:1490 27
6. Кожув 18 9 9 1476:1473 27
7. Чаир 2030 18 9 9 1468:1526 27
8. Тиквеш ГИ 18 8 10 1470:1472 26
9. Работнички 18 7 11 1476:1473 25
10. Феникс 2010 18 6 12 1412:1476 24
11. Гостивар 18 4 14 1302:1441 22
12. Ангели 18 1 17 1222:1640 19
ИДНО КОЛО
Маџари – Чаир 2030
Ангели – Кожув
Пелистер – Гостивар
МЗТ Скопје Аеродром – Тиквеш Голден Игл
МКК Куманово – ТФТ
Феникс 2010 – Работнички
