Кошаркарскиот клуб Конзули оваа недела го отвора домашниот дел од сезоната во Аматерската Трета Лига. По две успешни гостувања, тимот ќе го пречека екипата на Шар Планина (Гостивар) во рамките на третото коло.
Натпреварот ќе се одигра на 9 ноември 2025 година (недела) во 14:30 часот, во Спортската сала „Боро Чурлевски“ во Битола. Клубот ги повикува сите навивачи да бидат дел од трибините и да ја поддржат екипата во борбата за нови бодови.
„По две гостувања на кои тимот покажа карактер, борбеност и заедништво, сега е време да заиграме пред нашата публика и да го покажеме напредокот и колективната игра. Поддршката од трибините секој напад, секоја одбрана и секоја топка ја прави посебна“, истакнуваат од клубот.
Натпреварот ќе има посебно значење бидејќи ќе се одигра во спомен на Зоран Петковски – Петкото, истакнат играч, капитен и репрезентативец, кој остави трага во битолската и македонската кошарка. На влезот ќе биде поставена хуманитарна кутија за поддршка на неговото семејство.
Сите информации за клубот, резултати, табели и преноси во живо од натпреварите можат да се следат на официјалната веб-страница: www.kkkonzuli.mk
Фото: КК „Конзули“
