Градоначалникот на општина Битола, Тони Коњановски, преку видео обраќање обвини дека СДСМ на денешната седница на Советот на општина Битола била повлечена точката за усвојување на нацрт-деталниот урбанистички план за блокот З-Запад 08 со што се предвидуваше изградба на нов спортски комплекс во Нова Битола.
„Тоа не е само спортски комплекс, тоа не е само за љубителите на спортот, тоа е нов реонски спортски центар кој предвидува повеќе содржини. Во планирањето особено е важен јавниот интерес кој го зачувуваме и предвидени се и градежни парцели, мултифункционален спортски комплекс во границите на парцелата, основно училиште, старски дом, детска градинка, објекти за колективно домување и огромна површина на парково зеленило“, рече Коњановски.
Коњановски додаде дека планот бил усогласен со Генералниот урбанистички план, вклучувајќи и нов сообраќаен концепт за подобро поврзување на западниот дел од градот.
Во своето видео обраќање, градоначалникот на општина Битола, Тони Коњановски, обвини дека политички калкулации пред локалните избори се причина за блокадата на проектот.
https://www.facebook.com/konjanovskitoni/videos/1109293417699611/
