Во духот на празничната солидарност и хуманост, КС Групација и оваа година ја продолжи својата општествено одговорна мисија со донација на новогодишни пакетчиња за децата, во рамки на настанот „Традиционална богослужба, претстава од децата на влашки јазик и коледарски оган“, кој се одржа во Влашката црква „Св. Константин и Елена“ во Битола.
Настанот, кој претставува значаен дел од културно-духовната традиција на влашката заедница, беше збогатен со детска претстава изведена на влашки јазик, носејќи порака за зачувување на јазикот, традицијата и заедништвото. Присутните имаа можност да уживаат и во палењето на традиционалниот коледарски оган, симбол на светлина, надеж и нов почеток.
Со донацијата на новогодишни пакетчиња, КС Групација внесе радост и насмевки кај најмладите, потврдувајќи ја својата посветеност кон поддршка на локалната заедница, децата и културното наследство.
Од компанијата истакнуваат дека ваквите активности се дел од нивната долгорочна стратегија за општествена одговорност и дека и во иднина ќе продолжат да поддржуваат настани кои промовираат хуманост, традиција и заеднички вредности.
