Чуварите на традицијата КУД „Дримкол“ од Вевчани, вчера го означија отворањето на 54. издание на Меѓународниот ракометен турнир „Струга 2026 – Вангел Баљукоски – Баљук“. Вевчанското здружение е национално богатство на Република Македонија и постои од далечната 1947 година.
Во првиот меч пред официјалното отварање, екипата на Рк Вардар 1961 победнички го започна настапот на Струшкиот турнир, откако македонскиот првак славеше против РК Прилеп со 39-29. Голманите на скопскиот тим собраа над 20 интервенции, Валах имаше 10 и Гогов 12 одбрани. Најдобри стрелци кај победницитер беа Виктор Јанковски со 7 и Леон Љевар со 6 погооди, кај поразените РК Прилеп, Димитар Димитриоски, Андреј Стојановски и Петар Маркоски имаа по 5 голови.
Освојувачот на ЕХФ Европскиот куп, ГРК Охрид дербито против домаќинот РК Струга го доби со 37-24. Во победничката екипа, Никола Зечевиќ со 6 голови беше најефикасен, кај стружани се истакна новото засилување Никола Јукиќ со 7 погодоци.
Денеска на програмата на турнирот се следните натпревари со линкови за следење во живо.
* https://www.youtube.com/watch?v=Z7ZY3a23YNc (РК Прилеп – РК Бутел)
* https://www.youtube.com/watch?v=ZXqzkOgWav8 (ГРК Охрид – РК Дубочица)
