Мaкедонската ракометна селекција загуби на пријателскиот меч во Хрватска со (26-23).
Премногу технички грешки и промашени зицери но затоа до самиот крај имавме -1, и со одличниот на голот Митревски 13 одбрани, кој беше во сенка на играчот на мечот на спротивниот гол, Славиќ како и 7 погодоци во клучни периоди на Филип Кузмановски сепак не дозволвиме повисок пораз, на како што не’ нарекоа коментаторите на РТЛ, фаворизираната Македонија.
Селекторот Кирил Лазаров покрај повредениот Карасманакис и оправдано отсутниот Томовски го имаше скоро целиот расположлив состав за комбинирање.
На спортивната страна исланѓанецот Дагур Сигурдсон кој ја води Хрватска му недостигаа скоро сите играчи кои настапуваат од Бундеслига, Француската и Унгарскиот Шампионат и настапи на овој пријателски меч против Македонија со домашни сили од хрватскиот шампионат плус голманот и играч на мечот Дино Славиќ и Антонио Токиќ кој настапуваат во Лимогес Франција како и Леон Љевар кој игра за Слован во Словенија.
Иако Хрватска го заврши натпреварот со два црвени картони, едниот, директен, му беше доделен на капитенот Филип Главаш поради невнимателен фаул на крило над Атанасијевиќ, додека другиот му беше доделен на Јосип Шимиќ поради три исклучувања.
Од 3-тата минута кога Митев погоди за 2-1 и неколку голови на Кузмановски за 6-6 и 7-7, Македонија испреплетена во технички грешки, загубени топки , промашени зицери скоро цело прво полувреме се мачеше да пронајди ритам, неколкуте промашени пенали на Костевски Никола па потоа и на Кузмановски, загубени топки од Јагуриновски, Ѓоргиев, промашени зицери од Серафимов кој цело прво полувреме не успеа да го совлада одличниот Славиќ.
Вториот дел донесе позитивна енергија во игра влегува помладиот од браќата Костески овој пат Ненад кој постигна неколку голови на почетокот како и шанса доби младиот Галевски кој одбрани 2 пенали и еден од игра на хрватите. Шанса од 7 метри покрај Кузмановски, доби и Серафимов кој погоди , Атанасијевиќ намали на минус еден за 20-19, потоа домаќините останаа без Филип Главаш кој заработи директен црвен картон по стартот над нашиот ракометар. Потоа на семафорот беше 21-20 во 50-тата минута па следеа 23-21, селекторот Лазаров имаше тајм-аут, со желба да победиме или минимално да бидиме поразени како што кажа во првиот дел на тајм-аутот. Ние во следниот напад не погодивме, наредно Шимиќ доби трето исклучување и црвен картон, па се надевавме на нова шанса за егал пред самиот крај.
Но наместо нерешено или минус еден, повторна техничка грешка и хрватите погодија од контра, додека преку Костески стигнавме на 24-23, но Љевар постигна гол за 25-23 и во следниот напад повторно од крило не успева Џонов да го совлада одличниот, Дино Славиќ кој собра 15 одбрани. За конечниот резултат 26-23 се погрижи Токиќ во последните 10 секунди од крило постигнувајќи гол.
За Македонија – Митревски 13 одбрани, Галевски два седмерци, Кузмановски седум гола, по три: Костески Ненад и П. Атанасијевиќ.
Кај Хрватска: Славиќ кој беше играчот на мечот со 15 интервенции, потоа шест гола – Љевар, по четири голови постигнаа: Павловиќ, Токиќ и Свржњак.
Македонските ракометари се враќаат на 30 декемвври, следува кратка пауза па патуваат на Турнир во Швајцарија на 7 јануари,каде ги очекуваат дуелите со Бахреин, Украина и Швајцарија, и потоа оттаму директно за Данска и Хернинг.
