Првиот полуфинален дуел меѓу ГФК Охрид Л. и Силекс заврши без победник откако двата тима постигнаа по еден погодок. Силекс подобро го отвори мечот и имаше ситуации преку Мирчевски, Донов, Пиреш, додека домаќинот прво се обиде преку Каланоски.
Првиот гол беше дело на фудбалерите на ГФК Охрид Л, одличната акција започната од Димитриј Димитриевски преку Димитриј Поповски и Наумче Бакрачески со погодок ја круниса Иван Глигоров кој од непосредна близина го совлада Љупче Џеков.
До крајот на првиот дел, гостите од Кратово успеаа да стигнат до израмнување. Дарко Додев одлично мина левата страна и успеа да асистира за Ади Алиќ. Овој одлично со глава преку директниот чувар, но и голманот Серафимов во 45. минута успеа да израмни на 1:1.
Во вториот дел, ГФК Охрид Л успеа да го сведе Силекс на една до две ситуации за гол, кој што кратовци не ги реализираа.
И во двете актер беше Дарко Додев. Најпрво крилниот играч изби сам пред Серафимов откосо и биеше и директно во него, а во втората, проба да асистира за Мишов но тоа го стори непрецизно.
Како што веќе рековме реванш дуелот од полуфиналето од Купот на Македонија се игра на 6 мај во Кратово.
фото ффм & гфк охрид лихнидос
