Како Заев со државна плата стигна до јахта од 850 илјади евра? СДС и Филипче должат одговори. Како Заев кој со години беше градоначалник, а потоа и премиер успеа со државната плата да ја купи луксузната јахта со која сега заедно со Венко Филипче плови по Егејското море, рече Миле Лефков, пратеник и член на ИК на ВМРО-ДПМНЕ на прес-конференција, што МИА ја пренесува интегрално.
СДС и Венко Филипче мора да им одговорат на граѓаните како нивниот поранешен претседател Заев ја купил јахтата и со кои пари? И како со плата на државен функционер се станува мултимилионер?
Уште поголема е дилемата кога малку ќе се подистражи, и ќе се дојде до податокот дека пловен објект од таков калибар има годишни трошоци за одржување, сервис, гориво и пристаниште кои на далеку ја надминуваат годишната плата на еден државен функционер каков што беше Заев.
Венко Филипче не може да бега од одговори, неговата поврзаност со Заев не е само партиска, туку и приватна, тие имаат фирми на исти адреси, браќата нивни се влезени во заеднички бизниси, едноставно премногу е тенка границата меѓу двајцата.
Венко Филипче и СДС да не се кријат. Народот чека одговори.
Центар за комуникации на ВМРО-ДПМНЕ
Фото: ВМРО-ДПМНЕ
