Европскиот шампион екипата на СЦ Магдебург со ‘леснотија’ го победија во дербито на истокот против домаќините тимот на СК ДХфК Лајпциг предводен од екс тренерот на Пелистер Еурофарм, Раул Алонсо со резултат 36:23.
Тимот на тренерот Бенет Вигерт продолжува со својата серија без пораз во Бундеслигата и во сенка го најавија дуелот од 6. коло против битолчани в четврток каде имаа 5 од 5 од досегашните мечеви во Лигата на Шампиони за екипата од регионот, Саксонија-Анхалт.
Интересно е да се напомени дека веќе задутре, Магдебург имаат дуел во Купот на Германија (1/16) против несудениот тим на сега веќе екс играчот на Десау, Т.Јагуриновски и во континуитет играат секој втор или трет ден натпревар.
Тимот на екс тренерот на битолчани сегашен тренер на СК ДХфК Лајпциг, Раул Алонсо има неславен рекорд во Бундеслигата откако по дуелот против европскиот шампион е последен на табелата со само еден нерешен дуел од девет натпревари и осум порази за Саксонците.
Во продолжение ви ја пренесуваме прекрасната атмосфера во Квотербек – Арената во Лајпциг на која беа присутни над 6000 фанови на најракомената земја во светот и го проследија дуелот помеѓу Лајпциг и Магдебург.
Фотографии : Димитар Петковски – Шеталиште /
deutsche agency
