Македонската кошаркарска репрезентација вчера оствари победа на домашен терен совладувајќи го Луксембург со 79-70, запишувајќи го третиот последователен триумф и зацврстувајќи се на врвот во квалификациска група.
Нашите кошаркари уште еднаш го потврдија квалитетот, контролирајќи го натпреварот речиси во текот на сите 40 минути.
Расположениот Андреј Јакимовски дојде до својот „просек“, имаше 11.поени нашиот најефикасен играч во овој циклус. А вистинско изненадување, особено за одбраната на противникот беше Ефремовски, кој за кратко време „спакува“ десет поени. И ја донесе онаа предност во фазата на нападот.
Доволно за да се стекнеме со сосема солидно, двоцифрено водство на полувремето (44:32), во кое Хап се впиша со седум, а капитенот Стојановски имаше уште пет поени.
Или 20.минути во кои нашите кошаркари реализираа со 33.3% во обидите за три поени (5/15), а уште подобри беа од дистанца (12/19 или скоро 62% на успешност).Имаввме и 11 успешни додавања, од нив најмногу – шест, имаше најмладиот, Марин Петков.
По одморот, Македонија поведе и со плус од 20.поени (54:34), но до истекот на третиот период гостите од Луксембург таа наша висока разлика ја преполовија, и во последниот дел имавме вишок од десет поени (59:49). Не дозволија нашите кошаркари разликата да биде и достижна за ривалот. Напротив имавме комплетна контрола врз резултатот, и мирно стигнавме до третиот триумф во групата„А“, кој не остава на првата позиција, онаа која води во наредната фаза од претквалификациите. Повратникот во националниот тим, Етан Хап, дојде до дабл-дабл од 15.поени и 14.скока. Јакимовски беше нашиот најефикасен играч, реализираше 17.поени, а имаше и седум скока и четири успешни додавања, додека Ефремовски финишираше со 13. реализации.
Жозеп Марија Берокал со победа ја започна своата „кариера“ како селектор на сениорската репрезентација на Македонија.
Вчера вечерта во „Градски парк“, нашите кошаркари ја победија селекцијата на Луксембург, (79-70), доволно за максималниот ефект во групата „А“ (три меча-три победи).
„Победата е важна за почетокот на овој проект. Не смееме да заборавиме дека сме заедно само четири дена што не е лесно и за мене како тренер и за тимот. Имаше добри работи, како трчањето и одбраната. Но имавме и падови во играта што не смеат да ни се повторат.
Им честитам на играчите поради тоа што немавме доволно време да се вклопиме. Сакам да играме добра одбрана, не е лесно да се игра 40 минути на тоа ниво, но тоа е нашата цел. Задоволен сум од пристапот на играчите бидејќи главно го исполнија она што го побарав од нив. Треба само да го зголемиме бројот на добри минути во играта, да ја движиме подобро топката и да играме како тим, а не индивидуално“ – рече новиот селектор по успешното деби на клупата наа нашиот национален тим.
За неколку дена, на 2. март, во Баку, нашите најдобри кошаркари ќе се сретнат со репрезентацијата на Азербејџан.
Фото – КФМ.МК
