Ново Светско Првенство му се насмевнува на нашата репрезентација на Македонија која славеше на гостувањето во Словачка со 31-24. Разликата во квалитетот е сепак демонстрирана преку конечниот резултат одигран на гостински терен. Капитенот Филип Кузмановски со 10 голови одигра одличен меч за Македонија како и пикерот на Вардар 1961 Лазаревски 7 голови од кои 5 во првите 30 минути. Пред крајот на првиот дел за разликата да е повисока се погрижи со два гола и Ненад Костески, а на голот беше одличен и Томовски кој имаше предност пред искусниот Никола Митревски. Со еврогол во последните секунди од првиот дел, Филип Кузмановски,означи високи 18-13 за Македонија.
Второто полувреме со ‘сефте’ гол отвори Митев но до крајот на мечот, селекторот Лазаров заедно со играчите добро го контролираа мечот, каде во еден момент нашите репрезентативци имаа и 6 или 7 голови предност, како и разликата на конечниот резултат.
Најдобар стрелец во нашиот табор беше капитенот, Кузмановски со 10 голови, исто толку одбрани на голот имаше новиот “бундеслигаш” ТОмовски, кај Словачка Бриатка и Махач погодија по 4 пати.
Реваншот наптреварот за пласман на Светското првенство 2027 во Германија е в недела во СЦ „Борис Трајковски“.
Во другите натпревари кои се одиграа денеска Србија против Унгарија во Ниш славеше со резултат 31:29, предводени од Раул Гонзалез на клупата на нашиот северен сосед. Драган Пешмалбек постигна 8 голови додека кај Унгарија Имре Бенс имаше 7 погодоци.
Словенија на гости кај Црна Гора победи со 29:28, најефикасни беа: Чоршовиќ со 7 кај Црна Гора и Влах со исто толку погодоци кај победниците.
Босна и Херцеговина беше поразена од Фарски Острови со 22-24 , полувреме 10-12 . Играчот на Фуксе Берлин, Теигум со 11 погодоци ги постигна скоро половината за островјаните додека кај босанците Чолаковиќ Фарис погоди 7 пати .
Фото – TАСР Франтишек Иван
