Одлично прво полувреме, особено во одбраната, одиграа нашите најдобри кошаркари на премиерата од претквалификациите за Евробаскетот во 2029 година.
Во првите 20.минути му дозволивме на ривалот да реализира само 21.поен, од друга страна, Македонија имаше скоро двојно повеќе – 40.
Тргнаа добро „црвено-жолтите“ во првиот период уште подобро „отвори“ Јакимовски. Очигледно „гладен“ за играње во националниот тим, нанижа десет поени за исто толку минути, и заедно со капитенот Војдан Стојановски и ја иницираа серијата со која до крајот на прваат четвртина се одвоивме на (22:13).
Но тука не застанавме, з половина од втората четвртина направивме нова серија, сега од (11-2), доволно да се одвоиме на највисоките (33:15). Повеќе од пет минути не им дадовме на гостите да реализираат од игра, на другата страна, уште една Јакимовски и Стојановски демонстрираа одлични напаѓачки способности, овојпат за креирање на уште повисока позитива (40:21), која ја имавме на полувремето.
Јакимовски веќе имаше 13. поени, а Стојановски уште 10, но уште подобри изгледаа оние 13. скока кои ги имаа во статистиката, во тоа прво полувреме.
Во второто полувреме ја контролиравме и играта и резултатот. Ја имавме таа стандардна предност од „дваесет и кусур“ поени во најголем дел од третата четвртина.
А по атракцијата на Јакимовски, имавме уште поголемо водство, по неговиот 20.поен, дојдовме до (63:36). за „затворање“ на тој период од мечот во СРЦ „Кале“, во кој Зеќири стана третиот наш играч со двоцифрен број на поени (вкупно 12).
Во последниот селекторот Илиевски „го разигра“ комплетниот тим, кој не само што ја задржа, туку и ја зголеми и онака високата позитива, за првиот позитивен резултат во претквалификациската трка за место на Евробаскетот 2029.
Статистиката вели дека Андреј Јакимовски има дабл-дабл ефект од 25.поени и 11скока. Двоен учинок од 16.поени и 11.скока реализираше и нашиот капитен, Војдан Стојановски, Зеќири дојде до 17.поени (и шест скока).
На своето деби за репрезентацијата на Македонија, Омари Мур дојде до скор од шест поени, исто толку скокови, но и девет успешни додавања до соиграчите.
Во наредното коло од групата „А“, на 30.ноември, нашата најдобра селекција ќе има гостување во Даблин, каде следува дуелот против репрезентацијата на Ирска.
Фото кфм
