Претквалификации за Евробскетот 2029: Македонија денес со победа на гости во Баку

На гостувањето во Баку и дуелот со Азербејџан, во првото полувреме влеговме во висока негатива, но со подобра игра во второто, направивме пресврт, за нова победа, четвртта по ред во претквалификациите и одбрана на првата позиција која води во наредната фаза.

Полувреме кое ќе сакаат брзо да го заборават одиграа нашите кошаркари во Баку. Или 20.минути во кои му дозволија на противникот да има и позитива од 18.поени (25:43), запишана во средишниот дел од вториот период, поточно во 16.минута од играта.

Но во оние нешто повеќе од три минути до истекот на полувремето, Македонија направи серија од (12-1), со која негативата ја сведовме, може да се каже, на прифатлива, со оглед на ситуацијата на теренот.

По 20.минути од мечот во „Палатата на спортовите“ во Баку, Азербејџан водеше со (44:37), а 15 од тие реализации беа на расположениот натурализиран играч на домашната селекција, Ван Бек.

Се беше поразлично во Баку по онаа голема пауза, или 15 минути за одмор кои им беа добредојдени на нашите репрезентативци.

Во третиот дел од играта го анулираа и оној друг дел од негативата. И последните десет минути, кои се покажаа и како решавачки, влеговме со минимална предност (58:56).

А кога веќе го презедовме водството, повеќе немавме намера да му го вратиме на мотивираниот ривал.

Магдевски одлично го организираше нападот (имаше и седум успешни додавања), а најчесто во улога на реализатор беше Јакимовски, потпомогнат од Ѓуроски, но и Мекиќ, кој ја погоди последната, и доста важна тројка за да се одвоиме на позитива која е недостижна (70:78).

успехот добива на теина ако се земе в предвид дека капитенот Војдан Стојановски, поради повреда (на задната ложа), не бепе способен да игра во втоа второт полувреме во кое ги поставивме работите на своето место и победивме.

Јакимовски заврши како прв стрелец во нашиот национален тим. Даде 22.поени, но имаше и одлични осум скока. Двоен број на поени – 10, дојдоа од Ѓуроски.

Магдевски заврши со осум реализации, но и седум асистебции, а ист број на поени додадоа и Хап односно Мекиќ. Во својот 90. настап за сениорската репрезентација на Македонија, Стојановски придонесе со седум реализации, Лука Стојановски помогна со шест, Петков со пет, а Ташовски и Ефремовски со уште два поени.