Македонија ќе биде повторно домаќин на еден од трите турнир на Европската златна лига во 2024 година.
Очигледно дека осминафиналето на последното Европско првенство во одбојка, на кое Македонија беше ко-организатор, ги подига апетитите на машката сениорска репрезентација.
Македонија и догодина ќе биде дел од ЦЕВ златната лига, која за прв пат ќе биде организирана во посебен формат како и во Лигата на нации. Вкупно 12 репрезентации на три различни турнири ќе одиграат по шест натпревари.
Нашата репрезентација ќе биде домаќин на првиот турнир кој ќе се оддржи од 17 до 19 мај. Распоредот е јасен, Македонија ќе треба да се соочи против селекциите на Чешка и Естонија, тоа се репрезентации кои се поранешни освојувачи на Европската лига. По настапите во Скопје, ќе гостуваме во Белгија каде ќе се сретнеме со селекцијата на Азербејџан, а потоа заврши и во Хрватска.
Распоредот на македонската репрезентација на сите три турнир, во Скопје (Македонија), Белгија и Хрватска (2024);
Македонија – Естонија (17 мај)
Македонија – Чешка (19 мај)
Македонија – Азербејџан (25 мај)
Македонија – Белгија (26 мај)
Македонија – Хрватска (31 мај)
Македонија – Шпанија (01 јуни)
