Македонските ракометари на отворањето на “Жолтиот Куп” го совладаа Бахреин со 32:28, полувреме 15:13.
Избраниците на селекторот Кирил Лазаров во првиот дел постојано имаа водство, а на полувремето резултатот беше 15:13. На почетокот од второто полувреме Бахреин го имаше и единственото водство на натпреварот 20:19, но потоа македонските ракометари со подобра игра и погодоци стигнаа до предност од пет гола – 29:24. Митревски и Томчовски имаа еднаков учинок на головите со по 7 одбрани.
Најдобар стрелец кај нас беше капитенот: Филип Кузмановски со 9 голови , Ненад Костески имаше 5.
Утре со почеток од 17:45 часот за противник ја имаме Украина, а в сабота е пресметката со домаќинот Швајцарија од 18:00 часот.
Фото : Felix Walker
