Женската ракометна репрезентација денеска во Куманово славеше против Белгија со 33:28. Гостинките добро го започнаа натпреварот но кратко траеше нивното водство.
Потоа македонските репрезентативки ја презедоа иницијативата и со голот на Кипријановска првпат поведоа со 6:5. Првиот дел Македонија имаше водство од 17:14 против Белгија во најава за прва победа во овие квалификации.
Белгија се обиде да се врати во игра во вториот дел, но нашите ракометарки не дозволија изненадување како пред неколки денови во Белгија и победија со 33:28. Најефикасна во македонскиот тим беше Марија Јанкуловска со осум погодоци, додека голманката Андреа Илиќ имаше 13 интервенции.
Македонија следниот месец ја очекуваат тешки дуели од квалификациите најпрво на домашен терен против фаворитот Германија, за потоа дуел и гостување кај Словенија.
