Романтичен момент го одбележа вчерашниот ден за нашинците Методија и Наталија во Германија. Методија кој живее и работи како автобуски возач во Лајпциг, заедно со неговите колегите од ЛВБ, градскиот превозник во Лајпциг организираше уникатно запросување на неговата сакана Наталија.
Во центарот на Лајпциг, со дигитална порака која одеше на дисплејот на автобусот: “Дали сакаш да се омажиш за мене” и предложи брак на својата сакана Наталија Стојановска, која исто така работи за ЛВМ но таа за разлика од Методија вози, верувале или не’ трамвај.
Случката покрај беше несекојдневна а реакциите од случајните минувачи беа позитивни исполнети со аплауз и честитки за македонскиот пар. Повеќе германски медиуми ја пренесоа љубовната приказната како „ романтичен момент“.
Многу македонци својот професионален но и приватен пат по напуштањето на родната Македонија се одлучија за Германија како ветена земја. Со оваа вест новинарскиот тим на Шеталиште му посакува се најдобро во понатамошниот живот на Методија и Наталија и многу дечиња и се разбира – Љубовта нема граници и непознава километри.
Фото – Кристијан Модла/ЛВЗ
