Православните верници во Германија по одржувањето на светата божествена литургија по повод Богојавление (Водици) во 09:00 часот во светиот храм „Света Петка“ во Дизелдорф го одбележаа православниот празник Водици со свечена литургија предводена од Отец Трајче Грозданов.
Македонската заедница во Германија е една од најорганизираните, настанот помина во духот на радоста и верата со големо присуство на македонските верници кои заеднички ја прославија духовната симболика на празникот.
Светиот крст беше положен во езерото “Грунер Зее”, најсреќен беше Виктор Таневски 35 годишен велешанец, кој заедно со својата фамилија живее и работи веќе четврта година и втор пат влегува по светиот крст. Присутните македонски верници меѓу кои имаше и неколку храбри жени ја испратија пораката која е традиционална за Водици: „Бог се јави – навистина се јави“, потврдувајќи ја силната врска со верата, традицијата и татковината а сепак далеку од родната Македонија.
Му благодариме на Димитар Петковски за испратените фотографии од лице место.
