Македонското друштво „Македонија“ од Ешален – Швајцарија повторно актуелно со своите активности и промоција на македонската култура и гастрономија на швајцарско тло.
Овој пат тие организираа настан „Македонска трпеза“ на кој настан преку 40 готвачи, подготвувале богати јадења од традиционална македонска трпеза.
Најинтерсен е моментот кога поканетите, швајцарски пријатели биле меѓу последните кои ја напуштиле забава или настантот, останувајќи до крај да уживаат во храната, музиката и дружбата со македонците.
Со голема радост и благодарност сакаме да споделиме дека настанот „Македонска трпеза“ помина во прекрасна и топла атмосфера. Салата беше исполнета со насмевки, дружење и вистински дух на македонската традиција. Особено нe радува фактот што нашите швајцарски пријатели беа меѓу последните кои ја напуштија салата, уживајќи во храната, музиката и дружбата.
Искрена благодарност до нашите готвачи, кои со многу труд, љубов и посветеност ги подготвија сите вкусни македонски специјалитети.
Голема благодарност и до сите кои учествуваа во организацијата и работата на „Македонска трпеза“, од подготовката, послужувањето, до секој мал детал што го направи настанот успешен.
Ви благодариме на сите што бевте дел од оваа прекрасна вечер и што заедно ја претставивме македонската култура, традиција и гостопримство. – стои во соопштението на МДД „Македонија“ Ешален.
На МДД „Македонија“ Ешален, Мирчев Никола е претседател, а годинава организаторка беше младата, Драгана Стоилова. Во продолжение дел од атмосферата на настанот во Швајцарија.
