Од Институтот за јавно здравје (ИЈЗ) велат дека оваа сезона пријавени се вкупно 799 случаи на заболени од грип.
Нови 139 случаи на грип се пријавени во земјава изминатава недела, во периодот од 16 до 22 декември, што е зголемување од 17,8 отсто во споредба со минатата седмица.
Најголем дел од заболените, или вкупно 42, се во Дебар, 33 се во Гостивар, 22 има во Куманово, 15 случаи се во Тетово, а во Прилеп, Скопје, Кавадарци, Охрид, Струга, Неготино, Македонски Брод, Струмица, Битола, Свети Николе, Кратово и Штип, бројот на заболени е помал од пет.
Заболените се на возраст од новороденчиња до 64 години, а најголем дел, 95 лица, се на возраст меѓу 15-64 години.
Од Институтот за јавно здравје (ИЈЗ) велат дека оваа сезона се пријавени вкупно 799 случаи на заболени од грип.
Од 21 октомври во земјава се одвива и вакцинацијата против сезонски грип.
До 22 декември, според податоците од Управата за електронско здравство, преку апликацијата vakcinacija.mk, биле вакцинирани 72 125 граѓани.
