Минималната плата веќе со мартовската исплата на платите ќе изнесува 20.175 денари, објави вицепремиерот за економски прашања Фатмир Битиќи. Зголемување на минималната плата во Македонија за 2.175 денари е договорено на денешниот состанок на Економско социјалниот совет во Владата.
„Граѓаните ќе добијат за 2.175 денари повисока минимална плата веќе со мартовската исплата на плати. Минималната плата ќе изнесува 20.175 денари. Во моментов тече Економско социјален совет каде преку дијалог со синдикатите и работодавачите лани се договоривме за системско решение и нова Методологија за постојан раст на минимална плата“, објави Битиќи за Фејсбук.
Вицепремиерот додаде дека за шест години минималната плата се удвои и сега изнесува 20.175 денари.
