Зa oколу сто земји, веројатно ќе биде воведена реципрочна царинска стапка од 10 проценти, објави денес американскиот министер за финансии Скот Бесент, додавајќи дека очекува „наплив на трговски договори“ пред рокот за договор на 9 јули, по што би можело да има нагло зголемување на царинските стапки.
„Ќе видиме како претседателот сака да се справи со оние што преговараат, дали е задоволен што преговараат со добра намера“, изјави Бесент за телевизијата Блумберг.
„Мислам дека околу 100 земји ќе добијат само минимална реципрочна царина од 10 проценти и ќе продолжат оттаму. Затоа верувам дека ќе видиме многу активности во наредните денови“, рече Бесент.
