Шампионот Е. Пелистер го доби битолското дерби против помладите пелистерци со 34:27 во премиерниот натпревар од 8. коло во Суперлигата на Македонија во ракомет.
Младите пелистерци одлично се спротивставија на поискусните ракометари и добро го почнаа мечот и тоа преку Шулевски го зададоа првиот удар за водство од 1:0, во текот на првиот дел водеа неколку пати и тоа преку Бен Азиз (4:3) , Петар Атанасијевиќ изедначи на 4:4 и потоа македонскиот шампион ја презеде иницијативата и до крајот на првиот дел го имаше водството откако првин Гичев од 7 метри изедначи на 17:17 за да конечните 18:18 по првиот дел беа дело најпрво на Хенингман па потоа од Е.Пелистер 2 изедначи, Фехми.
На стартот од вториот дел младиот Лука Ѓоргиевски промаши удар од 7 метри но затоа во 37-мата минута постигна погодок за прво водство на младите пелистерци во вториот дел во 37-мата минута за 20:19.
Последен егал пред завршниот удар на шампионот и поискусните пелистерци беше во 44-тата минута повторно со гол на Ѓоргиевски (23:23), за да следи серија од 4-0 со головите на: Цехте,Манасков,Кузмановски и Хакбарт и водство од 23:27.
До крајот на натпреварот следеше нова серија од 4 гола за шампионот на Македонија (25:32) последниот погодок во битолското дерби го постигна Славков за конечни 27 за Е.Пелистер 2 наспроти 34-те голови за шампионот на Македонија.
Кај Е.Пелистер 2 најефикасен беше Бојан Гичев со 7 погодоци , 4 постигна Алсин Фехми додека по 3 имаа : Пецаковски, Славков , Ѓоргиевски и Бен Азиз М.
Кај шампионот Е.Пелистер во листата на стрелците се запишаа: Хакбарт со 7 гола , по 5 постигнаа : капитенот Кузмановски , Атанасијевиќ П. и Хаџиќ додека 4 имаше Дејан Манасков.
Заслужен одмор доби Никола Митревски пред гостувањето кај европскиот шампион Магдебург затоа шанса доби младиот Јован Мацанковски кој заедно со колегата од братскиот клуб Е.Пелистер 2 , Иван Младенов со по 10 интервенции.
Судии на мечот во Битола беа : Илиевски и Шуковски , делегат на натпреварот Александар Стефановски од Битола. Видео: РФМ / Фото Е.Пелистер
