Вечерва (5 август 2025 година), со почеток од 20:30 часот, на летната сцена при ОУ „Гоце Делчев“ во општина Могила, ќе се одржи дванаесетото издание на традиционалниот Фестивал на дуети „Константин и Елена“, кој со години наназад ја негува македонската народна песна, фолклорот и музичката традиција.
Фестивалот ќе започне со обраќање на градоначалникот на општина Могила, по што ќе следува отворање на фестивалската сцена и настапите на дуетите.
На сцената ќе настапат познати уметници од македонската естрада, меѓу кои: Сузана Гавазова, Софија Пуровска и Кирил Белостојановски, групата Фантастик бенд, Петар, Вероника и Патрик Николови, Василија и Благоја Груевски, Теона и Горан Милошевски, групата „Здравје Мјузик“, како и многу други.
За незаборавна забава по завршувањето на фестивалскиот дел ќе се погрижи Сузана Гавазова, која ќе приреди специјален музички настап.
Генерален покровител на фестивалот е Градоначалникот на општина Могила, Драганчо Саботковски, а директор на фестивалот е Фидан Шемовски.
