Македонија

Момчиња повеќе од четири часа биле заглавени на островче на реката Треска, ЦУК навремено интервенирале

Три 16-годишни момчиња синоќа биле спасени откако останале на островче од песок и чакал создадено од надојдените води на реката Треска предизвикани од испуштањето на водата од браните Матка и Козјак. Случајот бил пријавен преку Центарот за управување со кризи вчера во 19 часот и 12 минути.

Заробени на средина на реката
Наглото покачување на водите на реката Треска предизвикало трите момчиња да останат заробени на специфичен повисок песочно-чакален дел на средина на реката, на своевидно островче и немале можност како да преминат на брегот.

Реакција на ЦУК
Од ЦУК најпрво биле повикани специјалните полициски сили да интервенираат, а истовремено побарале од диспечерите на хидроцентралите Козјак и Матка веднаш да го намалат истекот на вода за да се овозможи извлекувањето и спасувањето на момчињата.

Зошто се испушта вода од браната?
Испуштањето на водата од браните е редовен процес за континуирано производство на електрична енергија со што редовно навечер има нагло зголемување на водотекот низ коритото на реката Треска.

Безбедно префрлање на брегот
Околу 23 часот, со помош на специјалните тимови на МВР и селаните од селото Грчец, момчињата со чамец успешно биле префрлени на брегот, информираат од ЦУК.

Поврзани новости