Покрај секојдневните изведби на претстави од репертоарот на Народен театар во Битола како што беше ветено на почетокот на оваа сезона дека главната цел е театарот да биде во функција на сите генерации, за сечиј вкус, односно дека „Театарот е повторно твој“, екипата на Битолскиот театар ја подготвува театарската претстава за деца“Снежана и седумте џуџиња“.
Можеби најважната приказна оваа сезона, како што истакнуваат, приказната наменета токму за децата е во режија на Драгана Милошевска – Попова и е во рамките на програмата на претстави за најмладите „Театарот повторно на децата“.
-Црвено јаболко, прекрасна, ведра и насмеана екипа, мотивирана режисерка, спремни да направиме спектакл каков што заслужуваат децата во Битола, ни изјавија од Битолскиот театар.
Премиерата на детската претстава “Снежана и седумте џуџиња“ ќе биде на 23 декември.
