epa13192053 An aerial view of damaged homes in Trishuli Bazar following a flash flood, in Nuwakot district, Nepal, 26 August 2026. Several people were killed and multiple others were reported missing after a massive flash flood swept through Rasuwa and Nuwakot districts causing widespread destruction to settlements and infrastructure, according to local authorities. EPA/NARENDRA SHRESTHA
Речиси 1.500 луѓе, вклучувајќи најмалку 800 странци, се водат како исчезнати во Непал и кинескиот Тибет, соопштија властите, откако огромна количина кал и камења се урнаа во хималајската река, предизвикувајќи катастрофални поплави во градовите и долините.
Спасувачите во Непал користат хеликоптери за да бараат преживеани и да доставуваат итна помош до илјадници луѓе отсечени од остатокот од земјата откако ненадејна поплава зафати оддалечена планинска област во среда, каде што често се собираат планинари и аџии на патот што ја поврзува Ласа во Тибет со непалската престолнина Катманду.
Полицијата соопшти дека очекува бројот на жртви, кој сега надмина 165, да продолжи да расте.
„Бројот ќе се зголеми додека продолжуваме со пребарувањето и се очекува да бидат пронајдени повеќе тела“, изјави портпаролот на полицијата Аби Нарајан Кафле за Ројтерс.
Според полицијата и туристичките службеници, 826 лица се водат како исчезнати во Непал, вклучувајќи речиси 600 странци.
Меѓу исчезнатите туристи од повеќе од дваесетина земји се 177 државјани на Индија, 63 на САД, 34 на Австралија, 33 на Обединетото Кралство и 25 на Канада.
Во кинескиот округ Гиронг во Тибет, 558 лица се водат како исчезнати, објави кинескиот државен радиодифузер CCTV во четврток, велејќи дека 260 од нив се странски државјани.
Снимките покажаа огромни количини вода и остатоци како однесоа десетици луѓе на граничниот премин Гиронг. Низводно во Непал, водата однесе домови, патишта и енергетски постројки пренесува вечер.
„Огромно свлечиште доаѓаше право кон нас. Како што ни се приближуваше, стануваше сè повисоко и повисоко. Кога го видов како влегува во нашата куќа, се обидов да ја зграпчам сопругата за рака и да ја однесам на терасата. Но, свлечиштето ја однесе“, рече Кешав Прасад Барал, 68-годишен преживеан кој е на лекување во болница.
Тој беше префрлен на безбедно со хеликоптер четири часа подоцна. „Мојата сопруга е сè уште некаде под калта. Ја нема“, додаде тој.
