Истражувачко – репортерскиот филм ја обработува актуелната тема поврзана со изградбата на „автопатот“ Прилеп – Битола и незаконската експлоатација на минерали од Каракамен – геолошки и археолошки локалитет во атар на село Шелеверци.
Ридот Црн Камен, полн со минерали, кој се наоѓа помеѓу селата Алинци и Шелеверци е првата жртва на автопатот кој владата реши да го гради. Наместо овие минерали меѓу кои е и македонитот, редок минерал во светски рамки, да се искористат во научни цели тие се користат како тампон за градење на новиот автопат. Целта на овој краток документарен филм е да да привлече вниманието на јавноста за актуелниот проблем.
Гимназијалците со документарниот филм “Најскапиот пат” учествуваа на меѓународниот фестивал за средношколски аматерски филм, организиран од Академијата на уметности Белград каде што во конкуренција на 70 филмови од повеќе балкански држави, се пласираа меѓу петте најдобри на фестивалот.
Автори: Евгенија Димитриовска, Софија Димитриеска, Михаил Ѓорѓиески, Сара Атанасоска, Илина Радеска и Елена Јандреовска – („Гим Филм Тим“).
Организациската и техничката поддршка: професорите Николче Богданоски и Дејан Стерјовски.
Соговорници: м-р. Васја Дамески и проф. Блаже Димески
Подолу погледнете го филмот и кликнете на линкот од видеото, да им дадеме поддршка на младите генијалци!
