Најниска утринска температура денеска е измерена на Попова Шапка, каде во 7 часот се измерени -4 степени Целзиусови, а воедно таму има и највисока снежна покривка од 60 сантиметри.
Под нулата утрово се и Лазарополе со -2 степени, како и Маврови Анови и Крушево со -1 степен. Во Крушево е регистрирана и минимална снежна покривка од 1 сантиметар.
Во останатите делови од земјата температурите се над нулата, при што 1 степен е измерен во Берово, 3 степени во Претор, додека 4 степени се измерени во Крива Паланка и Битола.
Со 5 степени се Прилеп и Охрид, додека 6 степени се измерени во Виница, Куманово, Демир Капија и Тетово.
Во Скопје-Зајчев Рид се измерени 7 степени, а 8 степени во Штип, Велес, Скопје-Петровец, Струмица, Кавадарци и Гевгелија.
Според прогнозата, времето денеска ќе биде променливо облачно, во западните делови со повремени слаби врнежи од дожд, а на планините и на повисоките места од снег. Ќе дува умерен, повремено засилен ветер од североисточен правец. Максималната температура ќе се движи од 8 до 15 степени.
Во Скопје ќе преовладува променливо облачно време со сончеви периоди и слаб до умерен североисточен ветер, при што дневната температура ќе достигне до 13 степени. објави Скопје1.мк
