По завршувањето на церемонијата на доделувањето на наградите Златен глобус, неколку хочивудски ѕвезди биле позитивни на коронавирусот, јавува Би-Би-Си.
Актерите Колин Фарел, Брендан Глисон, Џејми Ли Кертис и Мишел Фајфер објавија дека почувствувале симптоми на вирусот неколку дена по доделувањето на наградите.
Инаку, за да присуствуваат на наградите на Здружението на телевизиски и филмски критичари, кои се одржаа во неделата, потребен беше негативен тест за ковид.
Неколку познати личности се огласија на социјалните мрежи и рекоа дека биле принудени да ја пропуштат церемонијата.
Мерките на претпазливост за Ковид, како што се тестирање, вакцинација и носење маски, не беа координирани за време на оваа сезона на награди, пишува Холивуд Репортер.
Одредени церемонии не бараа безбедносни мерки, додека други, како што се Златните глобуси и наградите на Здружението на филмски и телевизиски критичари, бараа тестирање, доказ за вакцинација или и двете.
Во последните шест недели, бројот на заразени лица во Америка надмина 400.000, според Центарот за контрола на болести.
