На 14 септември 2025 година, во периодот од 08:00 до 11:00 часот, во Битола ќе се одржи седмото издание на градската трка „Трчај бе“, поддржана од Алпско. Настанот, кој веќе се етаблира како еден од најголемите спортско-рекреативни собири во градот, ќе обедини илјадници учесници, навивачи и волонтери.
Предвидени се три трки:
- 5.000 метри – старт во 08:30 часот
- Полумаратон (21.097 метри) – старт во 08:35 часот
- 10.000 метри – старт во 08:40 часот
За најдобрите натпреварувачи ќе бидат доделени парични награди. За полумаратонот наградите изнесуваат 500, 300 и 200 евра, за 10.000 метри трката 300, 200 и 100 евра, а за 5.000 метри трката (спонзорирани од Стевче Ѓорѓиевски, поранешен рекордер на 5.000м) 6.000, 5.000 и 4.000 денари. Дополнително ќе бидат доделени и специјални ваучери од спонзорите.
Сите учесници добиваат стартни пакети кои вклучуваат стартен број со чип, медал, онлајн резултати и диплома, како и производи и ваучери од партнери. За 5.000 метри трката е предвидена памучна маичка, за 10.000 метри dry-fit маичка, а за полумаратонот dry-fit маичка и капа.
Котизацијата изнесува 1.000 денари за 5.000 метри, 1.300 денари за 10.000 метри и 1.500 денари за полумаратон трката. Пријавите се отворени до 8 септември 2025 година.
Покрај индивидуалните, можно е и тимско учество за училишта, универзитети, фирми, институции и амбасади, со посебно рангирање по возрасни категории и дипломи за учесниците над 60 години.
Трката ќе се одржи согласно правилата на Меѓународното здружение на атлетски сојузи и Атлетската федерација на Македонија.
Повеќе информации и пријавување се достапни на официјалната веб-страница www.trcaj.be.
