Ракометарите на Е.Пелистер остварија сигурна победа од 25:22 против ГРК Охрид. Натпреварот од плеј-офот во Суперлигата кој се одигра во „Билјанини извори“ во целост му припадна на гостинскиот тим.
Мечот покрај охридското езеро беше во знакот на репрезентативниот голман Никола Митревски кој го запре домашниот тим и оствари над 20 одбрани.
Стартот на првиот дел беше во ракометен егал но потоа преку Кузмановски и Хенингман, Пелистер поведе со плус четири. Домашните не можеа да најдат решение за цврстата одбрана на битолчани. Тренерот Ројевиќ со неколку ротации го освежи тимот но сепак далеку зад гостите кои постигна 16 наспроти 10 гола на домашниот тим на ГРК Охрид.
Во вториот дел продолжи “малтретирањето” на пелистерци на домашните играчи преку Митревски со извонредните одбрани во еден период, Е.Пелистер имаше дури и +8 на мечот 20:12. Но сепак на крајот гостите се опуштија на теренот а домашните дадоа “гас” на нивната игра за да го намалат поразот во борбата за Европа и второто место на табелата.
Најдобар играч покрај голманот Никола Митревски беше Богдан Радивојевиќ со 8 погодоци, Во ГРК Охрид јапонецот, Јасухира со 5 гола беше најсветлата точка во поразот од конкурентот за повисок пласман.
