Вчера популарниот македонски бенд Нокаут ја промовираше својата најнова песна „Никој освен тебе“. Музиката, текстот и аранжманот се дело на фронтменот Никола Перевски – Пере, кој и овојпат докажа зошто е една од клучните фигури на македонската музичка сцена.
Песната е снимана во студиото „НК Продукција“ во Скопје, а финалниот звук го обликуваше Дарко Димитров, кој се погрижи за миксот, постпродукцијата и мастерингот.
Видеозаписот што ја придружува песната е режиран од Стефан Рајхл, додека монтажата ја изработи Александар Пауновски – Леце, а постпродукцијата ја заврши Кристијан Теодоров.
Овој сингл е вистински музички подарок за сите оние кои веруваат во моќта на љубовта и искрените емоции, а Нокаут повторно докажуваат дека се еден од најголемите современи бендови во Македонија.
Следете ги Нокаут на социјалните мрежи за да дознаете детали за нивните настапи ова лето, и ако имате можност, задолжително слушнете ги во живо.
А сега, уживајте во „Никој освен тебе“.
