Во пресрет на почетокот на новата учебна година, Општина Новаци презеде активности за зголемување на безбедноста на најмладите учесници во сообраќајот. Во соработка со Јавното комунално претпријатие „Комунална хигиена“, беа обележани пешачките премини на најфреквентните места низ општината.
Оваа иницијатива има за цел да се подобри прегледноста и видливоста на пешачките премини, особено во близина на основните училишта, детските градинки и фреквентните улици каде што се движат ученици.
„Нашата приоритетна цел е да обезбедиме поголема безбедност во сообраќајот, пред сè за учениците, но и за сите учесници во сообраќајот. Со овие превентивни мерки испраќаме јасна порака: безбедноста на децата е на прво место“, истакнаа од локалната самоуправа.
Општина Новаци и во иднина ќе продолжи со вакви активности кои придонесуваат за создавање побезбедна и посовесна сообраќајна култура.
Граѓаните се повикуваат на внимателност и почитување на сообраќајните правила, особено во периодот кога децата се враќаат на училишните клупи.
