Јавното комунално претпријатие „Водовод“ – Битола постави нова регулациона шахта во населените места Поешево и Логоварди, со цел заштита на водоводната мрежа од хидраулични удари кои во изминатиот период предизвикуваа чести дефекти.
Дополнително, поставени се и две мерни места со континуиран мониторинг, кои овозможуваат подобра контрола и поефикасно управување со потрошувачката на вода.
Со овие мерки, жителите на Поешево и Логоварди добиваат постабилен и поефикасен водоснабдителен систем, што претставува значаен чекор кон
модернизација и унапредување на комуналната инфраструктура.
Фото: ЈКП „Водовод“ – Битола
