Македонскиот фудбалер Илија Несторовски е слободен агент затоа што му заврши договорот со Удинезе, а веќе ги разгледува опциите за неговата иднина.
Италијанските медиуми на големо пишуваат за прилепчанецот кој е мета на повеќе клубови. Сампдорија беше опција за него, но сега се појавија уште три клуба. Во игра се две екипи од Серија Б, тоа се неговиот поранешен клуб Палермо, како и тимот на Венеција.
Интересно, има и интерес од кипарски АПОЕЛ, во чии редови со голем успех настапуваше Иван Тричковски. Останува да видиме кој избор Несторовски ќе го направи и каде ќе ја продолжи кариерата. 33-годишниот центарфор игра во Италија од 2016 година и ако се реши да ја промени земјата, тоа за него ќе биде нова авантура.
Центарфорот е во Удинезе од 2019 година, а претходно во Италија играше уште и за Палермо. Несторовски во кариерата беше дел и од Интер Запрешиќ, Металург, Викторија Жижков, Словачко и Победа.
