Со реновирањето на поранешното кино „Партизан“, Битола ќе добие нов мултифункционален центар, најави министерката за култура Бисера Костадиновска-Стојчевска.
Киното „Партизан“ после кината „Трудбеник“ и „Македонија“ беше едно од најпосетуваните кина во Битола, во кое беа прикажувани најновите филмски остварувања во времето на поранешна СФРЈ.
По згаснувањето на институцијата „Градски кина“ во Битола, и тоа беше затворено.
Од тогаш во голем број наврати, објектот беше пренаменуван за разни дејности, од магацини на големо за продажба на колонијални стоки, потоа стана простор за игри на среќа, па теретана, за на крај во периодот после 1990-те години, да биде целосно затворено.
Во 2006 година со одлука на Владата, овој објект му беше доделен на користење на Националната установа Народен театар Битола.
Денес, просторот околу објектот на поранешното кино „Партизан“ кое долги години работеше како едно од кината во Битола, е обраснат со треви и претставува грда слика за градот пренесува с.печат.
