Животниот век е еден од најјасните показатели за квалитетот на живот и општата благосостојба на населението во една земја.
Според процените, глобалниот просечен животен век во 2024 година изнесува околу 73 години, што претставува значително зголемување во споредба со 66 години во 2000 година. Сепак, некои земји особено се истакнуваат по долг животен век.
Инфографиконот во продолжение ги покажува 25. земји со највисок просечен животен век, при што истовремено се прикажува и разликата помеѓу половите. Податоците се преземени од веб-страницата „World Population Prospects“ на Обединетите нации.
Во која земја луѓето живеат најдолго?
Од 25. најдобро рангирани земји, дури 16 се од Европа. На врвот на листата е Монако, мала, богата држава каде што просечниот животен век изнесува 86,5 години, а кај жените над 88 години.
Многу од земјите каде што луѓето живеат најдолго имаат и високи инвестиции во здравството по жител, со што се подобрува пристапот и квалитетот на здравствените услуги.
Што е заедничко за овие земји?
Веднаш зад Монако се Сан Марино (85,8 години) и Хонгконг (85,6 години), кои се исто така познати по високиот животен стандард и развиените здравствени системи. Азија има четири земји во првите десет: Јапонија, Јужна Кореја, Хонгконг и Сингапур.
На листата доминираат и мали европски земји. Земји како Андора, Швајцарија, Лихтенштајн, Малта и Ватикан се препознатливи по ниско ниво на криминал и висок квалитет на живот.
Интересно е што Австралија е единствената земја надвор од Европа и Азија што се најде меѓу првите десет, со просечен животен век од 84,1 години.
Дали жените живеат подолго од мажите?
Жените живеат подолго од мажите во сите 25 земји од листата.
Во просек, жените живеат 4 години подолго од мажите. Најголеми разлики се забележани во:
Франција: 5,6 години
Јужна Кореја: 6,0 години
Јапонија: 6,1 година
Оваа разлика се должи на биолошки фактори. Машките новороденчиња и млади момчиња имаат повисоки стапки на смртност, а жените, генерално, поретко се вклучуваат во ризично однесување во споредба со мажите.
