Од петок (4 јули) возачите кои поминуваат низ Србија ќе се соочат со ново зголемување на цената на патаринитe. Министерството за градежништво, транспорт и инфраструктура на Србија најави зголемување на цените од 4,2 отсто, што значи дека од петок секој што ги користи автопатите во Србија ќе мора да издвои повеќе динари или евра за возење.
За патување со автомобил од Белград до Грција преку Македонија, за патарини ќе треба да се издвојат околу 2.000 динари во еден правец (едно евро се разменува за 117 динари).
Вкупната мрежа за наплата на патарина опфаќа 905,2 километри, а ова се новите цени за патарините во Србија:
• Белград – Прешево: 1.970 динари
• Белград – Димитровград: 1.740 динари
• Белград – Ниш: 1.170 динари
• Суботица – Прешево: дури 2.815 динари!
• Суботица – Димитровград: 2.575 динари
• Нови Сад – Ниш: 1.490 динари
• Ниш – Шид: 1.690 динари
Возачите кои користат електронска наплата на патарина (TAG) сè уште можат да сметаат на одреден попуст. Сепак, ако ја немате картичката што ја добивате при влегување на автопатот, или е оштетена или е стара повеќе од 24 часа, може да ви биде наплатена најдолгата дистанца од таа делница и дополнителните трошоци за итна постапка, објави Србија данас.
