Дербито на стартот од сезоната во македонската машка ракометна Суперлига донесе одличен натрпревар помеѓу ГРК Охрид и Еурофарм Пелистер кои одиграа нерешено 28:28, во СЦ „Билјанини Извори“.
Првото полувреме му припадна на пелистерци, но во вториот дел играчите на ГРК Охрид ја презедоа иницијативата и се вратија во мечот и до самиот крај беа во водство, но во завршницата тимот на Лино Червар стигна до бод со голот на Петар Атанасијевиќ.
Најпрецизни за Охрид и Пелистер беа: Доминик Мате со 11 погодоци, а на спротивната страна 10 голови постигна Филип Кузмановски.
